Son enxeñeiro informático (1999) e doutor en computación (2010) pola Universidade da Coruña. Levo máis de 20 anos traballando e investigando, en colaboración con diferentes equipos de lingüistas, en diferentes temas relacionados coa lingüística de corpus e a lingüística computacional. Gústame empregar a tecnoloxía para solucionar problemas que me propoñen os lingüistas e, desde o 2015, fago esta tarefa desde a miña empresa: NLPgo Technologies, S.L.

Tamén son formador e imparto diferentes talleres para lingüistas sobre temas relacionados coa informática, a lingüística computacional e a intelixencia artificial. A maioría destas iniciativas de formación canalízoas a través de Palabras binarias: Informática para lingüistas, aínda que tamén imparto talleres notras entidades e Universidades.

Se queres contactar conmigo podes empregar o formulario de contacto.